અમિતાભ-જયાના લગ્ન અને ખલિલ ધનતેજવી
ફિલ્મ પત્રકારત્વનું કેન્દ્ર મુંબઈ છે અને મુંબઈમાં ઘણા ગુજરાતી પત્રકારોએ ફિલ્મ જર્નાલિઝમમાં કાઠું કાઢ્યું છે પણ ગુજરાતના કોઈ પત્રકારે ગુજરાતમાં રહીને ફિલ્મ જર્નાલિઝમમાં ડંકો વગાડ્યો હોય તો એ "ખલીલ ધનતેજવી" છે. અમિતાભ અને જયા વચ્ચે પ્રણય ચાલતો હતો તેની સૌને ખબર હતી પણ બંને અચાનક લગ્ન કરી લેશે તેવી કોઈને ધારણા સુદ્ધા નહોતી.
ખલીલ ધનતેજવી એ દિવસોમાં ફિલ્મોને લગતી સ્ટોરીઝ માટે વડોદરાથી મુંબઈ આવનજાવન કાર્ય કરતા. ફિલ્મોના સેટ પર જવું અને કલાકારોને મળીને ઇન્ટરવ્યૂ કરવા, ગોસિપ મેળવવી વગેરે કામ કરતા. ફિલ્મ કલાકારો ના મેનેજરો, મેકઅપમૅન, સ્પોટ બોય વગેરે સાથે ઘરોબો કેળવીને તે એવા અંદરના સમાચાર ગોસિપ કાઢી લાવતા કે સૌ દંગ રહી જતા. અમિતાભ-જયાએ લગ્ન અચાનક નિર્ણય લીધો હતો ને કોઈ પત્રકારને જાણ નહોતી કરી. કોઈને બંને લગ્ન કરવાના છે તેની ગંધ સુદ્ધાં નહોતી. ખલીલને પણ પોતાના કોન્ટેકટ્સના લીધે અચાનક જ આ વાત ની જાણ થઇ.
ખલિલ એમ જ એક ફિલ્મના સેટ પર ગયેલા, જયા બચ્ચન નો મેકઅપ કરતી છોકરી ત્યાં હાજર હતી. પણ એ જબરજસ્ત ઉતાવળ અને હડબડાટી માં હતી. આ જોઈને ખલિલ ને થોડી નવાઈ લાગી. અને પોતાની આગવી શૈલીમાં થોડી ચર્ચા ચાલુ કરી ધીમે રહીને પૂછી કાઢ્યું, "શું કામ આટલી બધી ઉતાવળ કરો છો? કૈક ભૂલી જશો તો "ગુડ્ડી"જી તમને જ ઠપકો આપશે!!" વાતવાતમાં આ રીતે એ છોકરી બોલી, " નહિ નહિ, આજ તો બહોત જલ્દી હૈ, ઓર યહાં (જગ્યાનું નામ આપતા) આજ મેડમ કી શાદી હૈ, મુજે ટાઈમપે પહોંચના હી પડેગા. બહોત હી જલ્દી હૈ..."
બસ, પછી તો શું જોઈઍ!! ખલીલજી સતર્ક થઇ ગયા. અને તેમણે સ્વાભાવિક રીતે જ વાત કરતા કરતા ધીમે ધીમે તમામ વાત કઢાવી લીધી. સાંજે લગ્ન અને રિસેપશન હતા તેમાં એ વગર બોલાવ્યે હાજર થઇ પણ ગયા !! જયા બચ્ચને તેમને આવકાર્યા પણ અમિતાભજી ને એ "બીનબુલાયેં મહેમાન બન્યા" એ ના ગમ્યું અને ઠંડો પ્રતિભાવ આપ્યો. અને ખલિલ કઇ રીતે અહીં પહોંચી ગયા એનું ભારોભાર આશ્ચર્ય અમિતાભના ચહેરા પર હતું.
અને છેલ્લે, ખલિલ ને એનાથી કોઈ ફર્ક નહોતો પડતો. તેમણે આ લગ્નના ફોટા લીધા અને પછી પોતાના મેગેઝીનમાં છાપ્યાં. આ રીતે અમિતાભ-જયાનાં આ અત્યંત ખાનગી રખાયેલા લગ્નનો ફોટા સાથેનો અહેવાલ સૌ પ્રથમ છપવાનો શ્રેય એક ગુજરાતી પત્રકારને શિરે ગયો. અને આ સ્ટોરી તમારા સુધી પહોંચાડવાનો શ્રેય પણ એક ગુજરાતી (કાર્તિકભાઈ) ને જ જાય છે...!
- ડો.કાર્તિક દિલીપકુમાર શાહ
No comments:
Post a Comment
આજની કૃતિ જો આપ સર્વે મિત્રોને પસંદ આવી હોય તો થોડી તકલીફ ઉઠાવી અને આપના પ્રતિભાવ / કોમેન્ટ્સ જરૂર ફેશબુક પર અથવા બ્લોગ પોસ્ટ પર મૂકવા કોશિશ કરશો ...