અબ્રાહમ લિંકન

અબ્રાહમ લિંકન 

અબ્રાહમ લિંકનના હાથ નીચેનો એક સેક્રેટરી સ્ટેન્ટન ગુસ્સાથી આગ બબુલા હતો કારણકે એક અધિકારી આદેશનું પાલન કરવામાં નિષ્ફળ ગયો હતો. અધિકારીએ ઇરાદાપૂર્વક આજ્ઞાનું ઉલ્લંઘન કર્યું હતું કે તેના આદેશનું પાલન કરવામાં એ નિષ્ફળ ગયો હતો તે અપ્રસ્તુત હતું. સ્ટેન્ટનની નજરે આ ભૂલ અક્ષમ્ય હતી. તેણે કહ્યું, "મને લાગે છે કે મારે બેસીને એ માણસને બરાબરનો ઠપકો આપવો પડશે."

લિંકને કહ્યું, " એમ કર, તારા મન પર જે છે તે હમણાં જ લખી નાખ અને લખાણ ને એકદમ ધારદાર બનાવજે. એને ઉભો ને ઉભો વેતરી નખાય એવું જ લખજે !"

સ્ટેન્ટન તત્પરતા સાથે લિંકનની સલાહને અનુસર્યો. તેણે એક ધારદાર અને અતિશય નિખાલસપણે ઠપકો લખ્યો અને લિંકનને વાંચી સંભાળવ્યો. 

લિંકને કહ્યું, " બરાબર છે, સરસ લખ્યું છે!"

"આને હું કોના દ્વારા મોકલાવું?", સ્ટેન્ટને વિચાર પ્રસ્તુત કર્યો.

"મોકલવો???!!!, શા માટે??" લિંકને આશ્ચર્ય વ્યક્ત કરતા કહ્યું, "તે મોકલ જ નહીં!!, એને ફાડી નાખ હવે. તે આ વિષય માંથી તારા મનને મુક્ત કર્યું છે અને એ જ જરૂરી પણ હતું. તારે ક્યારેય આવો પત્ર મોકલવાનું ઇચ્છવું ન જોઈએ. હું ક્યારેય તેમ નથી કરતો!"

(દબાયેલ ગુસ્સો આરોગ્ય સમસ્યા ઉભી કરશે. સંડોવાયેલ વ્યક્તિને અસર કર્યા વગર ગુસ્સો વ્યક્ત કરવો તે વધારે યોગ્ય છે.)